Grímsgata 8
Grímsgata 8 er fimm hæða fjölbýlishús með einu stiga- og lyftuhúsi. Í húsinu eru 19 íbúðir af fjölbreyttum stærðum og gerðum. Aðalinngangur hússins er á jarðhæð og hafa allar íbúðir sérinngang af svalagangi.
Sérgeymslur, vagna- og hjólageymsla, tæknirými og sorpgeymsla ásamt beinu aðgengi að bílageymslu með níu merktum bílastæðum eru á jarðhæð, þar af er pláss fyrir a.m.k. eitt stæði merkt fötluðum.
Íbúðirnar á Grímsgötu 8 eru 2 - 5 herbergja og svalir eða sérafnotaflötur fylgir öllum íbúðum ásamt séreignageymslu í jarðhæð. Íbúðirnar eru í náinni tengingu við ósnortna náttúru og góðar samgönguæðar sem stytta leiðir í allar áttir.
Íbúðir eru seldar fullbúnar með gólfefnum og innréttingum. Þær eru hannaðar á nútímalegan hátt með vönduðum innréttingum og endingargóðu harðparketi á öllum rýmum nema votrýmum. Forstofu-, baðherbergis- og þvottahúsgólf eru flísalögð.
Grímsgata 8 er vandað fjölbýlishús í einu fallegasta íbúðahverfi höfuðborgarsvæðisins, Urriðaholti í Garðabæ. Betri staðsetning fyrir náttúruunnendur og útivistarfólk er vandfundin. Urriðaholt liggur við friðlandið í Heiðmörk og er tengt beint við það með göngu- og hjólastígum.
Urriðaholt er fyrsta hverfið hér á landi til að hljóta vistvottun samkvæmt vottunarkerfi BREEAM Communities.
Veitingahús
Kaffihús
Verslun
Skóli
Náttúrufræðistofnun
Við hönnun Urriðaholts var lögð mikil áhersla á að byggðin verði að lifandi og sjálfstæðu samfélagi þar sem gott væri að búa og ekki þurfi að fara langt til að sækja helstu þjónustu.
Í Kauptúni er verslunar -og þjónustukjarni og er í göngufæri við íbúðabyggðina í Urriðaholti. Þar eru meðal annars verslanir IKEA, Costco, Bónus og Vínbúðin.
Efst á Háholti Urriðaholts er gert ráð fyrir blandaðri byggð íbúða og þjónustu; verslunum, heilsugæslu, skólum og íþróttamannvirkjum svo nokkuð sé nefnt.www.urridaholt.is.
Hér má sjá tölvugerðar myndir úr mismunandi íbúðum.
Ath.: Lita- og húsgagnaval er leiðbeinandi. Íbúðum er skilað hvítmáluðum og án lausra húsgagna.
Hafðu samband við okkur til að fá nánari upplýsingar
Allt myndefni birt með fyrirvara - bygginganefndateikningar gilda. Gerð ehf.
Vefhönnun //JÖKULÁ
